PTC President thak Pu V Langkhanpau Guite toh houlimna

Amasa in Zogam MediaWatch min in Chibai!!

PTC President a telching a na om kon kipahpih mahmah ua, Paite mipite adiak in tulai khangthakten na tung ah kinepna lianpi hon nei uh ahihman in thu tamlou houlim leng ka chi uhi.

MIMAL TANCHIN

1. Min: Langkhanpau Guite

2. Pian ni: September 4, 1977 (academic)

3. Pianna khua: Songtal, Thanlon sub-division

4. Pa le nu min: Thangzadal Guite leh Zenzaching

5. Zi le tate min:

Zi – Shinghoihching

Tate – 1) Chhungbiakmawi

2) Chinglunniang

3) Lianzokim

4) Dalbiakdikthang

6. Educational qualification leh siamsinna munte (Class X apat detail):

1) Cl X (BSEM) Ebenezer Academy

2) Cl XII (Sc CHSEM) CCPur Govt High School

3) TDC (Manipur University)

4) MA (Pol Sc) (IGNOU)

5) B.Ed (IGNOU)

6) M.Ed (Fl) (Manipur University

7. Work experience:

1) Asst Teacher – JN Model School & St Paul’s Inst (1997-2000)

2) Headmaster – Rayburn High School (2001-2006)

3) Asst. Officer Incharge (AIC) CCPur private center HSLC exam (2005-06)

8. Pawlpi a kizat khaknate:

1) SSPP Unit, Branch & Block President

2) VRSA (Vuite Road Sporting Association) Ex-General Secretary

3) New Lamka Youth Club Ex-adviser

4) Presbyterian Church of India, General Assembly Moderator (2004-2007)

9. Na hinkhua thu tomchik (brief biography): Lohchinna leh Award/nasepkhiak hoihtak nana neihte

1) St Paul’s Inst Best Teacher Award 2000 saang

2) SSPP Lamka Block 1998 kum a defunct seppih te toh pangkhawm a President hihna toh revive

3) Rayburn H/S 2000 a student 400 vaal apan 2006 tan a 3000 val chih khawng ahihkei leh, hiaileng heutu te hahpanna ziak liauliau hizomah, adang gen dilua omkei

10. Na hinkhua apat lesson na zilkhiakte (lessions life has taught you):

1) Kei kua ka hia, bang ka ka hinsan chih theihsiam damdawi hoih pen ahihdan

2) Mahni liangkou a mohpuakna kinga peuhmah ginom, thanuam leh ahoih theipen a sepkhiak a poimoh dan

3) Bangteng a Pathian a bulpi pen a koih a manphat dan chite khawng hi in ka thei ka hinkhua apat ka zilkhiak

THUKHOTAANG

ZMW: PTC president dia telching a om na hih in na reaction bang ahi?

LKP: Namkhat a President chih chiang in khumsim bangmah leh sepsuah di leh bawlhoih di liangkou a kinga te i gelthak chiang in kha mahmah zel hi. Hiaiziak in ka hi heelhuul sim in ka kithei.

ZMW: Hiai election nangmah utna ziak liauliau hia? Ahihkeileh midang lawm-le-vualte hon tosawnna ziak a na tuh ahizaw hia?

LKP: Kei duhthusam “elected member” hih a Govt.pang sawk kawm a tribe leader, philathropic leh organisation a makaite a inkuan khosakna uh leh sum-le-pai a theisiam kawm a I gam-le-nam adia sepkhawm ahi. Ahia hiai election kei utna tellou chi leng a dikkim kei dia ka utna tel mah e!

ZMW: PTC president na hihsung a Paite mipit adia na sepkhiak sawm (programmes and policies) non gen thei diam?

LKP: Paite Zomite social, economic, politics leh education la a khantouhna dia mipite deihna thei a, heutu tuamtuamte ngaihdan lakkhawm a, Paite mipite hoihna di leh khantouhna dia seppihte toh panlak ka tup leh ngim ahi.

ZMW: PTC pen sawtpek apat MLA khat thuneihkhum (puppet) ana hi gige chih miteng theih thuguk ahi a, hiai toh kisai in bang ngaihdan na nei a? Hichibang a mipite ngaihdan ana omsa pen bangchin I khek thei dua? Bangchi bang in panlak na sawm a? PTC pen MLA/politician khat in a control di hilou in PTC in MLA te a control di hizolou di adiam? PTC pen Politician-te Council hilou a Paite-te Council taktak ahihtheihnang in bangchin panlak na sawm a? Mipite’n PTC a muanna a neih theih nawn nang un bangchin pan na lak sawm a (confidence building measures)?

LKP: Thuguk I chih miteng in a theihleh thuguk ahitheikei in kathei. I din,um zil a, I mohpuakkna chiat theih a ngai din kagingta, MLA in a bial a sai dia, Minister in a omna state, PTC in Paite nambup a sai ding. Huan I omna chiat ah PTC hoihna leh masawnna ding in panla chait leng, mkite muanna leh kingakna tham hong hingei ding hi.

ZMW: MLA election hun chiang in PTC in support I puang sek ua, hiai sutzop zel hoih nasa hia ahihkeileh tawpsan hunta in na thei hia? Mi tampi ngaihdan in eimi chinna di constituency e.g. Lamka leh Thanlon bang ah PTC in support tuam neilou in mipite deihtelna in koihle hong ching penpen la eimi ahihchia PTC in va pawlbawl pah leh a hoihzo diam? Huchilou a support tuam I neih chia I support louhpen bang hong ching chiang a I gam-le-nam toh kisai thu saidi om chiang a MLA/Minister I support louhpa’n honna ngaihsak ut taktak lou a theih in om hi. Bang a na ngaihdan?

LKP: PTC in Zomi a i kikhaikhawm nung un official a support a nei nawnkei in ka thei. Constitution dungzui in ‘saituak asak leh asai diing’ chih ahilel hi. PTC min kizang khial den ahih in tuh bawldik tuak hi in ka thei. Huan, MLA/Minister in le amah support loute adia le representative ahihlam ana haihkhak a i gam-le-nam vai a ana thadah khak zel leh a poingot dia, hiaiziak ahi bawldik tuak ka chihna san.

ZMW: Maban ah MDC election hong om ding ah bangchibang in PTC in panlak na sawm ua? MDC I phattuampih duam? I phattuampih leh phattuampih louhna di uh points non gen thei diam?

LKP: ‘Kuulsakna a omleh PTC in a sai diing’ chih Constitution a aom, sai teitei diing chihna hilou in. Damsung a MDC hilou a teekkuun a sidi lai MDC a honghih khak zenzen in tuh phatuam mah in the. Fifth Schedule apan Sixth Schedule a hontut uleh phatuam diak diing hi.

ZMW: Headquarter Veng, Lamka a eviction thu toh kisai in PTC in bang ngaihdan na nei ua? I mi-le-sate panna pen dan toh kituak ahina hia? I mi-le-sate humbitna dia panlak hoih nasa uhia?

LKP: Hiaithu ah ‘psychological war’ a om mai diam ka chi sim a. I Minister/MLA leh thuneitu te toh kithumuh in nna kisem thei hi.

ZMW: Pherjol ADC hong om pen I nam adin manna hi’n na thei hia? Hiai toh kisai in panla khial hi’n na kithei hia?

LKP: Development thil ahi a, a phatuam zek maithei. Kuateng in hiaithu a panla kha hiam chih ka theichian kei a, tu-letu a comment piak hak ka sa sim.

: Government office teng Tuibuang lam a suan a ompen bang ngaihdan na nei a? A hiding mah a hidiam?

LKP: Government office teng Tuibuang lam a suan a om pen ka thei kha kei. SDO/Ch, PHED, ZEO, IFCD, SIB, Police Station, NABARD leh Financial Institution te a ngeimah a om hin ka thei a, ahi a lah, Tuibuang lam na chih un bangtan hiam, chih ka theihlouh man adiam ah.

ZMW: SDO office teng Lamka a om mawk pen hoih nasa hia? Hiaipen singtanglam a I unaute Lamka a pem zoulou te adin buaina lianpi tun hilou hiam?

LKP: Hoih salou. I unau te a din buaina lianpi a tutlam ka thei a, poi ka sa mahmah hi.

ZMW: AIR link language toh kisai bang dinmun a ding ahia? Pau tualleng pen Paite mah ahihdi mah adiam?

LKP: AIR link language dia ‘Paite pau’ order omsa bang a honkhiak diing Ministry mohpuak ahi. Lamka mun a pen diakdiak, Paite pau ahi dimah ahi kei. Population basis a technical feasibility ziak a Paite pau zat diing chihthu hizaw in ka thei hi.

ZMW: Nidang pek apan Paitete thuneihna khopi omsun Lamka ah eimiten thu kineizou nawnlou abat hun a tam mahmahta. Lamka khopi sung a mun poimoh teng bang namdang ten luahdimta. Hiai toh kisai in bang ngaihdan na nei? PTC in inmun-loumun leh hausa gam zuak thu ah dan bawl hoih nasa hia? Etsakna din Paitete’n inmun/hauhsakna a zuak di uale Paitete lou kiang a zuaklouh ding chih bang. Huaiban ah I kim-le-kiang a unau khenkhatte bawldan in innmun/loumun toh kisai in society khat bawlkhe leng bang achidia? Ahihkheileh PTC sung ah huailam toh kisai enkai di himhim department bawlkhiak a hoihzo diam?

LKP: Hiai hi ‘delicate issue’ ahi a, gentam lou a, sep chi hi in ka thei hi. Thuneih i ut taktak in bel tutmuang mailouh a enzui a, sep chi ahi mai kei di maw!

ZMW: Lamka khopi sung a veng tuamtuam ah mahni nambing tenna mun chiat a kibinkhawmna leh gam keekletna awlawl a paitou zel hi a muhtheih in a om. Mite'n a gam uh a keekbeh deuhdeuh lai un ei te' gam neu hiaihiai abang. Panlak saam kisam nasa hia?"

LKP: Hiai dotna te hi ‘plan leh policy’ thil ahi a, gelhthoh/genthoh pualpual sang a sepzui tuak thil leh panlak sam angai diam, ka chi sim ve.

ZMW: I vangkhopi sakmin diktak LAMKA ngei a khen lunggulhna sawtpek apan a omta. Hiai bangziak a hithei mailou ahi dia?

LKP:

ZMW: Northeast singtangmite toh tehkak in Paite Zomite khangtou na kisa hia? Bangchibang in panla le hiai sang in i khangtou zosem thei di ua? Tuban kum sawm (10) nung in Paite Zomite politics, economics, social leh education lam ah bang dinmun in i ding diing ua?

LKP: Khangtou e, a awlmoh taktak a Internet khawng leh adang a thukhah a idea hoih taktak neite mah a phualpi ah hongtawm luutthei lai zomah le uchin i khangtou zaw sem diing. I maban diing uh ahihleh i civilization uah a kinga lian mahmah diing.

ZMW: Maban a na political aspirations non hilhthei diam? MLA tuhtouh zel na sawm hia?

LKP: Mipi na a phatuam theipen a sep ka sawm a, MLA tungtawn a sep a phatuam kei dileh awlmoh tuan keng. Ahi a, a huihnung dan le et poimoh din ka gingta.

ZMW: Hiaitan i society/politics a na kipeina ah nop na sakna pen/kipahna pen/thathousak pen leh hon lungkesak pen/haksa na sakpen non hilhthei diam?

LKP: Ka maitan a ‘constructive criticism’ ka kipahpih pen a, agal apan ‘destructive criticism’ te poi ka sasim hi.

ZMW: Atawpna din ah Paite mipite kiang ah bang thukhak nop na nei a?

LKP: Paite te namkhat, identity leh culture nei a hon domsangtu Pathian i Tou din neithei chiat in, ken Paite nam hoihna di leh khantouhan diing in ban a ka hihtheih, chi in, mimal ki-ittuah chiilbawl lokei leng, chih ka thukhah nop tampite lak a tamlou ahi hi.

ZMW: Houlimna di hun non piakziak in kipak petmah ung.

LKP: Kei leng kipaak lua ing, n’ong phawk kha ua.